ആറാട്ടുപുഴ

ആലപ്പുഴ ജില്ലയില്‍ അറബിക്കടലിന്റെ തീരത്ത് കായംകുളം കായലിന്റെ പടിഞ്ഞാറും കിഴക്കുമുള്ള ഇരുകരകളിലുമായി 13.8 കിലോമീറ്റര്‍ തെക്കുവടക്ക് നീളത്തില്‍ ആറാട്ടുപുഴ പഞ്ചായത്ത് സ്ഥിതിചെയ്യുന്നു. കാര്‍ത്തികപ്പള്ളി താലൂക്കില്‍ ആറാട്ടുപുഴ വില്ലേജുള്‍പ്പെടുന്ന ഈ പഞ്ചായത്ത് ഹരിപ്പാട് അസംബ്ളി നിയോജകമണ്ഡലത്തിലും ആലപ്പുഴ ലോക്സഭാമണ്ഡലത്തിലുമാണ് ഉള്‍പ്പെടുന്നത്. 22.70 ചതുരശ്രകിലോമീറ്റര്‍ വിസ്തീര്‍ണ്ണമുള്ള ആറാട്ടുപുഴ പഞ്ചായത്തിന്റെ ഓഫീസ് ആസ്ഥാനം കള്ളിക്കാട് സ്ഥിതി ചെയ്യുന്നു. എ-ഗ്രേഡ് പഞ്ചായത്തുകളുടെ കൂട്ടത്തിലാണ് ആറാട്ടുപുഴ ഗ്രാമപ്പഞ്ചായത്ത് ഉള്‍പ്പെടുന്നത്. കായലിന്റെയും കടലിന്റെയും ഇടയിലായി പടിഞ്ഞാറേക്കരയില്‍ വല്ല്യഴീക്കല്‍ മുതല്‍ മംഗലം വരെയും, കിഴക്കേകരയില്‍ കിളിമുക്ക് മുതല്‍ മൂണ്ടുകാടു വരേയും വ്യാപിച്ചുകിടക്കുന്ന ഭൂപ്രദേശമാണ് ആറാട്ടുപുഴ പഞ്ചായത്ത്. ആലപ്പുഴ ജില്ലയുടെ തെക്കേയറ്റത്ത് അറബിക്കടലിനോടു ചേര്‍ന്നുകിടക്കുന്ന ഈ പഞ്ചായത്തിനെ കായംകുളം കായല്‍ രണ്ടായി മുറിക്കുന്നു. വടക്കുഭാഗത്ത് തൃക്കുന്നപ്പുഴ പഞ്ചായത്തും, കിഴക്കുഭാഗത്ത് കാര്‍ത്തികപ്പള്ളി, ചിങ്ങോലി, മുതുകുളം, കണ്ടല്ലൂര്‍ എന്നീ പഞ്ചായത്തുകളും തെക്കുഭാഗത്ത് കായംകുളം പൊഴിയും പടിഞ്ഞാറുഭാഗത്ത് അറബിക്കടലും പഞ്ചായത്തിന്റെ അതിരുകളായി സ്ഥിതി ചെയ്യുന്നു. 12-ാം ശതകത്തിലോ 13-ാം ശതകത്തിലോ കടലില്‍ ആണ്ടുപോയ ശ്രീമൂലവാസത്തെ ബുദ്ധക്ഷേത്രത്തിലെ, ആറാട്ടു നടന്നിരുന്ന പവിത്രസ്ഥാനമായിരുന്ന പ്രദേശമായിരുന്നതിനാലാണ് ആറാട്ടുപുഴയെന്ന പേര് കിട്ടിയതെന്ന് പറയപ്പെടുന്നു.

ചരിത്രം

ഒരുകാലത്ത് കായംകുളം കായല്‍ നൂറുമേനി വിളയുന്ന നെല്‍പ്പാടങ്ങളായിരുന്നു എന്ന് പറയപ്പെടുന്നു. മാര്‍ത്താണ്ഡവര്‍മയോട് യുദ്ധത്തില്‍ തോറ്റ കായംകുളം രാജാവ് നൈരാശ്യവും വൈരാഗ്യവും മൂലം തന്‍റെ നാവികപ്പടയാളികളായ ആറാട്ടുപുഴയിലെ അരയന്മാരെക്കൊണ്ട് പൊഴിതുറപ്പിച്ച് സമുദ്രജലം കയറ്റിവിട്ട് കായല്‍ നിലങ്ങള്‍ നശിപ്പിച്ചുവത്രേ. പൗരാണിക കാലത്ത് ബ്രാഹ്മണരുടെയും മറ്റു സവര്‍ണരുടെയും ആവാസകേന്ദ്രമായിരുന്നു.

സ്ഥലനമോല്‍പത്തി

രണ്ടാം ശതകത്തിലോ മൂന്നാം ശതകത്തിലോ കടലില്‍ ആണ്ടു പോയ ശ്രീമൂലവാസത്തെ ബുദ്ധക്ഷേത്രത്തിലെ ആറാട്ടു നടന്നിരുന്ന ചരിത്രസ്ഥാനമായിരുന്നതിനാലാണ് ആറാട്ടു പുഴയെന്ന് പേര് ലഭിച്ചുതെന്ന് പറയപ്പെടുന്നു.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

ദേശീയപ്രസ്ഥാനവുമായി ബന്ധപ്പെട്ട് പ്രവര്‍ത്തിച്ചു കൊണ്ടിരുന്നവരുടെ നേതൃത്വത്തില്‍ സമഭാമിനി എന്ന യുവജനസമാജം രൂപീകരിച്ചു. എല്ലാ താല്‍പര്യങ്ങള്‍ക്കും അതീതമായി നാട്ടുകാരെ സമഭാമിനിയുടെ കീഴില്‍ അണിനിരത്തി ക്കൊണ്ട് കടപ്പുറത്തുനിന്ന് തുരുത്തിലേക്ക് ബലവത്തായ ഒരു ചിറ നിര്‍മിച്ചു. ദേശീയ പ്രസ്ഥാന കാലഘട്ടത്തില്‍ നടന്ന ഒരു പ്രധാന സന്നദ്ധപ്രവര്‍ത്തനമായിരുന്നു ഇത്.

വാണിജ്യ- ഗതാഗത പ്രാധാന്യം

കറുത്തപൊന്നും സുഗന്ധ വ്യഞ്ജനങ്ങളും തേടി അറബികളും അവര്‍ക്ക് പിന്നാലെ പോര്‍ട്ടുഗീസുകാരും ഡച്ചുകാരും ഇംഗ്ലീഷുകാരും ആറാട്ടുപുഴയിലെത്തിയിരുന്നു.

തൃക്കുന്നപ്പുഴ

ചരിത്രം
ശ്രീമൂലവാസമെന്ന പേരിലാണ് മുന്‍പ് ഈ പ്രദേശം അറിയപ്പെട്ടിരുന്നത്. ശ്രീമൂലവാസം 1500 കൊല്ലംമുമ്പ് ബുദ്ധമതക്കാരുടെ അധീനതയിലായിരുന്നു. തുടര്‍ന്ന് ഇവിടെ ചേരന്‍മാന്‍ പെരുമാളിന്‍റെ ഭരണകാലം.
സ്ഥലനമോല്‍പത്തി
തിരുകൊന്തയും പുഴയും ഉള്ള സ്ഥലത്തെ തൃക്കുന്നപ്പുഴയെന്ന് വിളിച്ചു.
സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍
പാണ്ടവത്ത് ശങ്കരപ്പിളള. ടി. കെ. ബാലകൃഷണന്‍ എന്ന ബാലാജി, എസ് അനിരുദ്ധന്‍, കെ.ജി. എന്‍ പണിക്കര്‍, അക്കന്‍റെ പറമ്പില്‍ കൊച്ചുകുഞ്ഞനാശാന്‍, അച്ചുതന്‍, പടിയില്‍ കരുണാകരപ്പേണിക്കര്‍, സി. കെ നാണു തുടങ്ങിയവര്‍ നാടിന്‍റെ മോചന പോരാട്ടങ്ങള്‍ക്ക് തനതായ സംഭാവനകള്‍ നല്‍കിയവരായിരുന്നു. ഇതില്‍ ശ്രീ പാണ്ടവത്ത് ശങ്കരപിളള ഈ ഗ്രാമത്തിന്‍റെ പുന:സംഘടനയില്‍ നേതൃത്വപരമായ പങ്ക് വഹിച്ചിരുന്നു. 1969ലെ അറവുകാട് സമരാഹ്വാനം വളരെ പ്രസിദ്ധമാണ്.
സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍
തിരുവനന്തപുരം മുതല്‍ ഹോസ്ദുര്‍ഗ വരെ 560 കി. മീ. നീളത്തിലുളള ദേശീയജലപാത ഈ പഞ്ചായത്തിലെ 11 വാര്‍ഡുകളില്‍ക്കൂടിയാണ് കടന്നു പോകുന്നത്.
വാണിജ്യ- ഗതാഗത പ്രാധാന്യം
ശാസ്താ ക്ഷേത്രം പല്ലന ശ്രീപോര്‍ക്കലി ഭദ്രകാളി ക്ഷേത്രം തുടങ്ങിയ ക്ഷേത്രങ്ങള്‍ പ്രസിദ്ധമാണ്. പറേന്തറപളളി, വരവുകാടുപളളി, പതിയാങ്കര കണ്ടലേഴത്തു പളളി തുടങ്ങിയവ പ്രസിദ്ധമായ ക്രൈസ്തവ ദേവാലയങ്ങളാണ്.

മുതുകുളം

മുതുകുളം

ആലപ്പുഴ ജില്ലയിലെ കാര്‍ത്തികപ്പള്ളി താലൂക്കില്‍ മുതുകുളം ബ്ളോക്കില്‍ ഉള്‍പ്പെടുന്ന ഗ്രാമപഞ്ചായത്താണ് മുതുകുളം. മുതുകുളം പഞ്ചായത്തിന്റെ വിസ്തീര്‍ണ്ണം 11.58 ചതുരശ്രകിലോമീറ്ററാണ്. ആലപ്പുഴ ജില്ലയുടെ തെക്കുപടിഞ്ഞാറ് കായംകുളം കായലിന് 5 കിലോമീറ്റര്‍ കിഴക്കായി സ്ഥിതി ചെയ്യുന്ന ഈ പഞ്ചായത്തിനെ കായംകുളം-കാര്‍ത്തികപ്പള്ളി റോഡ് രണ്ടായി വിഭജിക്കുന്നു. പഞ്ചായത്തിന്റെ പടിഞ്ഞാറുഭാഗത്ത് ആറാട്ടുപ്പുഴ പഞ്ചായത്തും, കിഴക്കുഭാഗത്ത് പത്തിയൂര്‍, ചേപ്പാട് പഞ്ചായത്തുകളും, തെക്കുഭാഗത്ത് കണ്ടല്ലൂര്‍ പഞ്ചായത്തും, വടക്കുഭാഗത്ത് ചിങ്ങോലി പഞ്ചായത്തും മുതുകുളം പഞ്ചായത്തുമായി അതിര്‍ത്തി പങ്കു വയ്ക്കുന്നു. പഞ്ചായത്തിലെ ഭൂപ്രദേശങ്ങളുടെ ശരാശരി ഉയരം സമുദ്രനിരപ്പില്‍ നിന്നും 8 മീറ്ററാണ്. 1953-ലാണ് മുതുകുളം പഞ്ചായത്ത് നിലവില്‍ വരുന്നത്. കരിയാഞ്ചിയില്‍ ഇ.കെ.മാധവന്‍പിള്ളയായിരുന്നു ആദ്യ പഞ്ചായത്തു കമ്മിറ്റിയുടെ പ്രസിഡന്റ്. മലയാളത്തിലെ ആദ്യത്തെ സംസാരിക്കുന്ന ചലച്ചിത്രമായ ബാലന്‍ -ന്റെ കഥ, സംഭാഷണം, ഗാനങ്ങള്‍, അഭിനയം തുടങ്ങിയ സമസ്തമേഖലകളിലും തനതുസംഭാവന നല്‍കിയ മുതുകുളം രാഘവന്‍പിള്ളയുടേയും മലയാളസിനിമയിലെ ഒരേയൊരു ഗന്ധര്‍വ്വനായിരുന്ന പി.പത്മരാജന്റേയും സ്വദേശമെന്ന നിലയിലാണ് മുതുകുളത്തെ പുറംലോകം ആദ്യം അറിയുന്നത്. നൂറ്റാണ്ടുകള്‍ക്കു മുമ്പ് മുത്തുക്കുളം എന്നായിരുന്നുവത്രെ ഈ പ്രദേശത്തിന്റെ പേര്. മുത്തുക്കുളം നൂറ്റാണ്ടുകളിലൂടെ മുതുകുളം ആയി മാറി. ഇന്നലെകളിലെ കാര്‍ഷികസമൃദ്ധിയുടെ ധന്യദീപ്തിയാണ് ഈ നാമധേയത്തിന് പിന്നിലുള്ളതെന്ന് കരുതാം. മന്നത്ത് പത്മനാഭന്റെ മുതുകുളം പ്രഖ്യാപനം വളരെ പ്രശസ്തമാണ്.

ചരിത്രം

പാണ്ഡവര്‍ അജ്ഞാതവാസകാലത്ത് ഇവിടെയും താമസിച്ചിരുന്നതായി പഴങ്കഥയുണ്ട്. അന്ന് ഗ്രാമീണരുടെ ആതിഥ്യ മര്യാദയില്‍ സംപ്രീതയായ കുന്തി താന്‍ പൂജിച്ചു വന്നിരുന്ന ദേവതയെ ഗ്രാമീണരുടെ ഐശ്വരത്തിനായി ഇവിടെ തന്നെ പ്രതിഷ്ഠിച്ചു നല്‍കി എന്നാണു വിശ്വാസം.

സ്ഥലനമോല്‍പത്തി

മുത്തുകള്‍ പോലെ മൂല്യവത്തായ ധാന്യകലവറ ആയിരുന്നതിനാലാണ് ഈ പ്രദേശത്തിന് നൂറ്റാണ്ടുകള്‍ക്ക് മുമ്പ് മുത്തുക്കുളം എന്ന പേര് ലഭിച്ചതെന്നും പിന്നീട് മുതുകുളം ആയിമാറിയെന്നും പറയപ്പെടുന്നു.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

മന്നത്തു പത്മനാഭന്‍റെ മുതുകുളം പ്രഖ്യാപനം താലൂക്ക് കോണ്‍ഗ്രസ്സിന്‍റെ സമ്മേളനം മുതുകുളത്ത് വച്ചു നടന്നപ്പോഴാണ് ഉണ്ടായത്. ഇത് മൂന്നു ദിവസം നീണ്ടുനിന്നു. സി.പി.യുടെ കിരാത ഭരണക്കാലത്ത് കോണ്‍ഗ്രസ്സിന്‍റെ യോഗങ്ങള്‍ നിരോധിച്ചു. നിരോധനം ലംഘിച്ചു യോഗം ചേരാന്‍ ഇ.കെ. മാധവന്‍ പിള്ളയുടെ നേതൃത്വത്തില്‍ പ്രാദേശിക കോണ്‍ഗ്രസ്സ് കമ്മിറ്റി തീരുമാനിച്ചു. യോഗം അലങ്കോലപ്പെടുത്താന്‍ ഗുണ്ടകളായ അരപ്പോലീസ് വന്നെങ്കിലും ജനങ്ങളുടെ സംഘടിത ചെറുത്തു നില്‍പ്പിനെതിരെ അവര്‍ക്ക് ഒന്നും ചെയ്യാനായില്ല.

സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍

1916ല്‍ ചിത്തിര തിരുനാള്‍ മഹാരാജാവിന്‍റെ ഭരണകാലത്ത് ആരംഭിച്ച കൊട്ടാരംവക സ്കൂളാണ് ആദ്യ സ്കൂള്‍.

പഞ്ചായത്ത് രൂപീകരണം / ആദ്യകാല ഭരണസമിതികള്‍

1953ല്‍ ശ്രീകരിയാഞ്ചയില്‍ ഇ. കെ. മാധവന്‍ പിള്ള പ്രസിഡന്‍റായി ആദ്യത്തെ ജനകീയ പഞ്ചായത്ത് രൂപീകരിച്ചു.

ചിങ്ങോലി

ചിങ്ങോലി

ആലപ്പുഴ ജില്ലയിലെ കാര്‍ത്തികപള്ളി താലൂക്കിലെ ഹരിപ്പാട് ബോക്ക് പരിധിയില്‍ വരുന്ന ഒരു പഞ്ചായത്താണ് ചിങ്ങോലി ഗ്രാമപഞ്ചായത്ത്. 7.24 ച:കി.മീ വിസ്തൃതിയുള്ള ഈ പഞ്ചായത്തിന്റെ വടക്ക് കാര്‍ത്തികപ്പള്ളി പഞ്ചായത്തും, കിഴക്ക് നാഷണല്‍  ഹൈവേ 47 ഉം തെക്ക് ചേപ്പാട് പുത്തന്‍ പറമ്പ് റോഡും പടിഞ്ഞാറ് ആറാട്ടുപുഴ പഞ്ചായത്തും സ്ഥിതി ചെയ്യുന്നു. ഡച്ച് ഗവര്‍ണര്‍ ആയിരുന്ന ഗൊള്ളനെസ്സിന്റെ അഭിപ്രായത്തില്‍ കൊല്ലത്തിനും പുറക്കാടിനും ഇടയ്ക്കായി കടലോരത്തോട് ചേര്‍ന്നു കിടന്നിരുന്ന “മാര്‍ത്ത” എന്ന പേരില്‍ ഡച്ചുകാര്‍ വിളിച്ചിരുന്ന കാര്‍ത്തികപ്പള്ളി രണ്ടു ചെറുരാജ്യങ്ങള്‍ ചേര്‍ന്നതായിരുന്നു. “കാര്‍ണോപള്ളി” യും (ഇന്നത്തെ കരുനാഗപ്പള്ളി) “കരിമ്പാലിയും”. കാര്‍ണോപ്പള്ളിയുടെ സ്ഥാനം  കൊല്ലത്തിനും കായംകുളത്തിനും പുറക്കാടിനും ഇടയ്ക്കാണ്. മുന്‍കാലത്തിന്റെ ബാക്കി പത്രമായ കഴുവേറ്റും കുന്നും കളരിയും കാലഹരണപ്പെട്ട ഒരു സാമൂഹ്യ വ്യവസ്ഥയെക്കുറിച്ച് ഇന്നും ഒര്‍മ്മിപ്പിക്കുന്നു. 1962 ലാണ് ചിങ്ങോലി ഗ്രാമപഞ്ചായത്ത്  രൂപീകരിച്ചത്. ആദ്യത്തെ പ്രസിഡന്റ് കൊച്ചുകുഞ്ഞ് വൈദ്യന്‍ ആയിരുന്നു. പഞ്ചായത്ത് കെട്ടിടം 1981 ഡിസംബറില്‍ പഞ്ചായത്ത് ഡയറക്ടര്‍ എം.സുബ്ബയ്യന്‍ ഉദ്ഘാടനം ചെയ്തു. കെട്ടിടത്തിന് സ്ഥലം സ്രാമ്പിക്കല്‍ തറയില്‍ മഠത്തില്‍ സുബ്രഹ്മണ്യ അയ്യര്‍ ആണ് സംഭാവന ചെയ്തത്. വളരെ വര്‍ഷങ്ങള്‍ക്ക് മുമ്പ് തന്നെ  ചിങ്ങോലി പഞ്ചായത്ത് കയര്‍ വ്യവസായ മേഖലയില്‍ ശ്രദ്ധേയമായ നേട്ടങ്ങള്‍ കാഴ്ചവച്ചിരുന്നു. ധാരാളം കയര്‍ ഉല്‍പ്പാദന യൂണിറ്റുകള്‍ ഈ മേഖലയില്‍ പ്രവര്‍ത്തിക്കുകയും ചെയ്തിരുന്നു. കേരളത്തിലെ പ്രസിദ്ധി നേടിയതും ഡിമാന്റ് ഉള്ളതുമായ ആറാട്ടുപുഴ കയറിന്റെ ഉല്‍പ്പാദനകേന്ദ്രം തന്നെ ചിങ്ങോലി, ആറാട്ടുപുഴ എന്നീ ഗ്രാമങ്ങള്‍ ഉള്‍പ്പെട്ട തീരപ്രദേശങ്ങളാണ്.

ചരിത്രം

1742 ല്‍ മാര്‍ത്താണ്ഡവര്‍മ്മ കാര്‍ത്തികപളളി കീഴടക്കി.തിരുവിതാംകൂറിന്‍റെ ഭാഗമായി.

സ്ഥലനമോല്‍പത്തി

ഐതീഹ്യം കണക്കിലെടുത്താല്‍ സിഹ ഒലി ചിങ്ങോലി ആയി മാറിയെന്നു പറയുന്നു.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

പട്ടം താണുപിളള, സി. നാരായണപിളള, എ. പി ഉദയഭാനു., ടി. എം വര്‍ഗീസ് പി. കെ കുഞ്ഞ് എന്നിവര്‍ പങ്കെടുത്ത പ്രസ്തുത യോഗമാണ് ദേശീയ സ്വതന്ത്ര്യസമര പ്രവര്‍ത്തനത്തിലെ ആദ്യ സംരംഭം.

വാണിജ്യ- ഗതാഗത പ്രാധാന്യം

കാര്‍ത്തികപ്പളളി റോഡ് മാത്രമായിരുന്നു പഞ്ചായത്ത് രുപീകരണത്തിന്മുമ്പ് ഉണ്ടായിരുന്നത്.

പഞ്ചായത്ത് രൂപീകരണം / ആദ്യകാല ഭരണസമിതികള്‍

1962 ലാണ് പഞ്ചാത്ത് രൂപീകരിച്ചത്. കൊച്ചുകുഞ്ഞ് വൈദ്യന്‍ ആദ്യത്തെ പ്രസിഡന്‍റ്.

കാര്‍ത്തികപ്പള്ളി

കാര്‍ത്തികപ്പളളി 

ചരിത്രം

കൊല്ലവര്‍ഷം 904 മുതല്‍ 933 വരെ തിരുവിതാംകൂര്‍ ഭരിച്ച മാര്‍ത്താണ്ഡവര്‍മ മഹാരാജാവ് കാര്‍ത്തികപ്പളളി തിരുവിതാംകൂറിനോട് ചേര്‍ത്തു. 1742 ല്‍ കായംകുളവും 1753 ല്‍ അമ്പലപ്പുഴയും അദ്ദേഹം കീഴടക്കി. മുമ്പ് ഇവിടം ബുദ്ധമത സംസ്കാര കേന്ദമായിരുന്നു. കായംകുളത്തിനും പുറക്കാടിനും ഇടയ്ക്കുളള പ്രദേശമാണ് കാര്‍ത്തികപ്പളളി രാജ്യം എന്നറിയപ്പെട്ടിരുന്നത്.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

കാര്‍ത്തികപ്പള്ളിയിലെ ഏക മന്ത്രിയും എം.എല്‍.എ. യുമായിരുന്ന എ. അച്ചുതന്‍, അച്ചുതന്‍ വക്കീല്‍, എ.വി. ആനന്ദരാജന്‍ കണിക്കര മാധവക്കുറുപ്പ് കൃഷ്ണന്‍കുട്ടി സാര്‍, പുത്തേത് നാരായണന്‍ എന്നിവര്‍ മണ്‍മറഞ്ഞ സ്വാതന്ത്ര്യസമര പോരാളികളാണ്.

സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍

1912 ല്‍ സ്ഥാപിതമായ മഹാദേവികാട് ഗവ. വിദ്യാലയവും 1920 ല്‍ മണ്ണൂര്‍ പത്മനാഭപിളള സ്ഥാപിച്ച ദിവാന്‍ കൃഷ്ണന്‍ നായര്‍ സ്മാരക ലോവര്‍ പ്രൈമറി സ്ക്കൂളും പ്രസിദ്ധമാണ്.

വാണിജ്യ- ഗതാഗത പ്രാധാന്യം

പുളിക്കീഴ് പ്രൈവറ്റ് മാര്‍ക്കറ്റ് വാണിജ്യപ്രധാനമാണ്.

പഞ്ചായത്ത് രൂപീകരണം / ആദ്യകാല ഭരണസമിതികള്‍

കാര്‍ത്തികപ്പളളി പഞ്ചായത്തിന്‍റെ ആദ്യത്തെ പ്രസിഡന്‍റ് കെ ദാമോദരന്‍ ആ.അ.ആ.ഠ ആയിരുന്നു.

ഹരിപ്പാട്‌

ഹരിപ്പാട്

ആലപ്പുഴ ജില്ലയിലെ കാര്‍ത്തികപ്പള്ളി താലൂക്കില്‍ ഹരിപ്പാട് ബ്ളോക്കില്‍ ഉള്‍പ്പെടുന്നതാണ് ഹരിപ്പാട് ഗ്രാമപഞ്ചായത്ത്. 9.56 ചതുരശ്രകിലോമീറ്റര്‍ വിസ്തൃതിയുള്ള ഈ പഞ്ചായത്തിന്റെ വടക്കുഭാഗത്ത് ചെറുതല വീയപുരം പഞ്ചായത്തും, തെക്കുഭാഗത്ത് കാര്‍ത്തികപ്പള്ളി പഞ്ചായത്തും, കിഴക്കുഭാഗത്ത് പള്ളിപ്പാട് പഞ്ചായത്തും, പടിഞ്ഞാറുഭാഗത്ത് കുമാരപുരം പഞ്ചായത്തും സ്ഥിതി ചെയ്യുന്നു. ഹരിപ്പാട് പഞ്ചായത്തില്‍ 13 വാര്‍ഡുകളാണുള്ളത്. ആലപ്പുഴ ജില്ലയില്‍ കാര്‍ത്തികപ്പള്ളി താലൂക്കിന്റെ ഭരണസിരാകേന്ദ്രമാണ് ഹരിപ്പാട്. താലൂക്കാഫീസ്, മുന്‍സിഫ് കോടതി, മജിസ്ട്രേട്ടുകോടതി, ട്രഷറി, പോലീസ് സ്റ്റേഷന്‍, പോസ്റ്റോഫീസ്, സബ്രജിസ്ട്രാര്‍ ഓഫീസ് എന്നീ പ്രധാനപ്പെട്ട സ്ഥാപനങ്ങള്‍ പണ്ടുമുതല്‍ തന്നെ ഒരു മതില്‍ക്കെട്ടിനുള്ളില്‍ ഇവിടെ നിലകൊണ്ടിരുന്നു. ഹരിതഗീതപുരമെന്നും അരിപ്പാടെന്നും ഈ സ്ഥലത്തിന് പേരുകളുണ്ട്. കേരളവര്‍മ്മ വലിയ കോയിത്തമ്പുരാന്റെ ഒരു കൃതിയില്‍ പാഹിഹരിഗീത പത്തനപതേയെന്നും അദ്ദേഹം തന്നെ മയൂരസന്ദേശത്തില്‍ അരിപ്പാട് വാണോരുകാലം എന്നും പറയുമ്പോള്‍ സ്വാതിരിരുനാള്‍ മഹാരാജാവ് ഹരിഗീത പുതലദീപ! എന്ന് കാര്‍ത്തികേയനെ സംബോധന ചെയ്യുന്നതും ഹരിപ്പാട് എന്ന സ്ഥലനാമത്തിന്റെ പഴക്കവും പ്രാധാന്യവും വിളിച്ചറിയിക്കുന്നു. കുട്ടനാടന്‍ വയലേലകളോടുചേര്‍ന്ന് പുഞ്ചനെല്‍പ്പാടങ്ങളെക്കൊണ്ടും ഇരിപ്പൂനിലങ്ങളെക്കൊണ്ടും സമൃദ്ധമായ (നെല്ല്) ഈ പ്രദേശം രാജഭരണകാലത്ത് ധാന്യ ശേഖരണത്തിന്റെ കലവറ തന്നെ ആയിരുന്നു. തിരുവിതാംകൂര്‍ രാജകുടുംബത്തിന് വേണ്ട അരി ഇവിടെനിന്നും നല്‍കിയിരുന്നു. കിഴക്ക് നെല്‍പ്പുരകടവും കൂറ്റന്‍ നെല്ലറകളും പടിഞ്ഞാറ് ഠാണാവ്പടിയും (ഇന്ന് ഡാണാപ്പടി) എല്ലാം ഇതിലേക്ക് വെളിച്ചം വീശുന്നു. അങ്ങനെ രാജ്യത്തിനാവശ്യമായ അരിയില്‍ നല്ലൊരുപങ്കും സംഭരിക്കുന്ന സ്ഥലമെന്ന നിലയില്‍ അരിപ്പാടെന്ന് നാമകരണം ചെയ്യപ്പെട്ടതായി ഒരു പക്ഷം. എന്നാല്‍ ഹരിതഗീതപുരമെന്നതിന്റെ മലയാള പ്രയോഗമാണ് ഹരിപ്പാട് എന്നുള്ള പക്ഷവും നിഷേധിക്കാവുന്നതല്ല.

സ്ഥലനമോല്‍പത്തി

തിരുവിതാംകൂര്‍ രാജകുടുംബത്തിനുവേണ്ട അരി നല്‍കിയിരുന്നത് ഈ പ്രദേശത്തു നിന്നായിരുന്നു. അങ്ങനെ രാജ്യത്തിനാവശ്യമായ അരിയുടെ നല്ലൊരു പങ്കും ശേഖരിക്കുന്ന സ്ഥലമെന്ന നിലയില്‍ അരിപ്പാടെന്ന് നാമകരണം ചെയ്തു എന്നാണ് ഒരു ഐതിഹ്യം. എന്നാല്‍ ഹരിഗീതപുരമെന്നതിന്‍റെ മലയാളപ്രയോഗമാണ് ഹരിപ്പാട് എന്നും പറയുന്നുണ്ട്.

വാണിജ്യ- ഗതാഗത പ്രാധാന്യം

നാഷണല്‍ ഹൈവേ ഈ പഞ്ചായത്തുവഴി കടന്നു പോകുന്നു.

പഞ്ചായത്ത് രൂപീകരണം / ആദ്യകാല ഭരണസമിതികള്‍

കിഴക്കേക്കര, ഹരിപ്പാട് വില്ലേജുകള്‍ ചേര്‍ത്താണ് ഹരിപ്പാട് പഞ്ചായത്ത് രൂപീകരിച്ചത്. ആദ്യത്തെ പ്രസിഡന്‍റായി മണ്ണാറശ്ശാല ഇല്ലത്തെ എം. ജി. നാരായണന്‍ നമ്പൂതിരിയെ തെരഞ്ഞെടുത്തു.

കുമാരപുരം

കുമാരപുരം

ആലപ്പുഴ ജില്ലയില്‍ കാര്‍ത്തികപ്പള്ളി താലൂക്കില്‍ ഹരിപ്പാട് ബ്ളോക്ക് പഞ്ചായത്ത് പരിധിയില്‍ വരുന്ന കുമാരപുരം പഞ്ചായത്തിന്റെ അതിര്‍ത്തികള്‍ കിഴക്ക് - കൊപ്പാറ-കാര്‍ത്തികപ്പള്ളി തോട്, തെക്ക് - വാടച്ചിറ തോട്, പടിഞ്ഞാറ് കാട്ടില്‍ മാര്‍ക്കറ്റ്-പണ്ടാരച്ചിറ റോഡ്, വടക്ക്-നാല്‍ക്കവല സമുദായത്തില്‍ തോട് എന്നിവയാണ്. 13.75 ചതുരശ്ര കിലോമീറ്റര്‍ വിസ്തൃതിയുള്ള പഞ്ചായത്ത് ഓണാട്ടുകരയുടെ ഭാഗമാണ്. പഞ്ചായത്തിന്റെ കിഴക്കന്‍ പ്രദേശം സമുദ്രനിരപ്പില്‍ നിന്നും നാലൂ മീറ്റര്‍ ഉയരത്തിലാണെങ്കിലും പടിഞ്ഞാറന്‍ പ്രദേശത്തെ ചതുപ്പുകള്‍ സമുദ്രനിരപ്പില്‍ താഴെയാണ്. കുമാരന്‍ എന്നു കൂടി അറിയപ്പെടുന്ന സുബ്രഹ്മണ്യന്‍ , ചിത്തിര ഉല്‍സവ സമാപനം കുറിക്കുന്ന ആറാട്ടിനു പുറപ്പെട്ടുവരും വഴി “ഇറക്കിപൂജ” എന്ന വിശ്രമം തനിക്കായി ഒരുക്കാറുള്ള പരിസര ഗ്രാമത്തിന് കനിഞ്ഞു നല്‍കിയ പേരാണത്രേ ‘കുമാരപുരം’. ഐതിഹ്യത്തിന് അടിസ്ഥാനമില്ലെന്ന് വന്നാലും, എന്നൊ കൊത്തിവച്ച പൂജാശിലക്കു പിന്നില്‍ പലതിനും സാക്ഷ്യം വഹിച്ചുകൊണ്ട് പഴമയേയും പുതുമയേയും കൂട്ടിയിണക്കിയ ഒരു പടുകിഴവന്‍ അരയാല്‍ വൃക്ഷം വഴിമാറി കൊടുത്ത വിശിഷ്ട സ്ഥാനത്താണ് ഇന്നത്തെ വില്ലേജിന്റെ ആസ്ഥാനം. 13.75 ചതുരശ്ര കിലോമീറ്റര്‍ മാത്രം വിസ്തീര്‍ണ്ണമുള്ള കുമാരപുരം പഞ്ചായത്തിനെ 15 വാര്‍ഡുകളായി വിഭജിച്ചിരിക്കുന്നു. നാഷണല്‍ ഹൈവേ-47 കുമാരപുരം പഞ്ചായത്തില്‍ കൂടെ കടന്നുപോകുന്നു. ലോകപ്രശസ്തരായിത്തീര്‍ന്ന രണ്ടു രാജകുമാരന്മാരുടെ കൂടി ഗ്രാമമാണ് കുമാരപുരം. ഇവരില്‍ മുതിര്‍ന്നയാള്‍ കേരള കാളിദാസനും പ്രായം കുറഞ്ഞയാള്‍ കേരള പാണിനിയും ആണ്. അനന്തപുരം കൊട്ടാരത്തിലെ ത്രിമൂര്‍ത്തികളായി കുമാരനാശാന്റെ ‘പ്രരോദന’ ത്തില്‍ പരാമര്‍ശിക്കപ്പെട്ട രാജകുമാരന്‍മാരില്‍ ഏറ്റവും പ്രശ്സതരായ രണ്ടുപേരാണ് കേരള കാളിദാസന്‍ എന്നറിയപ്പെട്ട കേരളവര്‍മ്മ വലിയ കോയിത്തമ്പുരാനും കേരള പാണിനി എന്നറിയപ്പെട്ട ഏ ആര്‍ രാജരാജ വര്‍മ്മയും. വാഗ്ഭടന്‍ കൂടി ചേരുമ്പോള്‍ ത്രിമൂര്‍ത്തികളായി.

ചരിത്രം

കേരളകാളിദാസന്‍ എന്നറിയപ്പെടുന്ന കേരളവര്‍മ്മവലിയകോയി മ്പുരാനും, കേരളപാണിനി എന്നറിയപ്പെടുന്ന എ. ആര്‍.രാജരാജവര്‍മയും ഈ ഗ്രാമക്കാരാണ്.

സ്ഥലനമോല്‍പത്തി

ഹരിപ്പാട് സുബ്രഹ്മണ്യക്ഷേത്രത്തില്‍ നിന്നും ആറാട്ടിന് പുറപ്പെട്ട് വരുംവഴിക്ക് ഇറക്കിപ്പൂജ എന്ന വിശ്രമം സുബ്രഹ്മണ്യ സ്വാമിക്കായി ഒരുക്കാറുള്ള പരിസരഗ്രാമത്തിന് കനിഞ്ഞ് നല്‍കിയ പേരാണ് കുമാരപുരം എന്ന് സങ്കല്‍പ്പം.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

കെ.ജി.എം. പണിക്കര്‍, എസ് അനിരുദ്ധന്‍ തുടങ്ങി വിരലിലെണ്ണാന്‍ കഴിയുന്നത്ര വ്യക്തികളേ ഈ പ്രദേശത്തുനിന്നും സ്വാതന്ത്ര്യസമരത്തില്‍ സജീവമായി രംഗത്ത പങ്കെടുത്തിരുന്നുളളു.

സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍

കുമാരപുരത്ത് ആത്മവിദ്യാസംഘം സ്ഥാപിച്ച വാഗ്ഭടാനന്ദ ഗുരുദേവന്‍ ഗ്രാമത്തിലുള്ള കവറാട്ടെന്ന സ്ഥലത്ത് 1926 ല്‍ ഒരു മഹാസമ്മേളനത്തില്‍ പങ്കെടുത്തു. അതില്‍ മഹാകവി വള്ളത്തോള്‍ ബ്രഹ്മാനന്ദ സ്വാമികള്‍, ലക്ഷ്മി എന്‍ മേനോന്‍ തുടങ്ങിയവര്‍ പങ്കെടുത്തിരുന്നു. 1916 ല്‍ പഞ്ചായത്തിലെ ആദ്യത്തെ സ്കൂളായ നാരായണവിലാസം എല്‍.പി. സകൂള്‍ ആരംഭിച്ചു

വാണിജ്യ- ഗതാഗത പ്രാധാന്യം

കാര്‍ഷിക വിളകളുടെയും വ്യവസായിക ഉല്‍പന്നങ്ങളുടെയും പോക്കുവരവിന് ഗ്രാമം ദേശീയ ജലപാതയെയാണ് ആശ്രയിച്ചിരുന്നത്.

പഞ്ചായത്ത് രൂപീകരണം / ആദ്യകാല ഭരണസമിതികള്‍

1953 ലാണ് പഞ്ചായത്ത് നിലവില്‍ വന്നത്. 195053 വരെ കെ.എം. ഉണ്ണിത്താനായിരുന്നു പ്രസിഡന്‍റ്. 1953 ല്‍ വി.കൃഷ്ണന്‍ പ്രസിഡന്‍റായി .

കരുവാറ്റ

കരുവാറ്റ 

 ചരിത്രം

ഈ പ്രദേശം കായംകുളം മഹാരാജാവിന്‍റെ കീഴിലായിരുന്നു. പിന്നീട് മാര്‍ത്താണ്ഡവര്‍മ കായംകുളം പിടിച്ചെടുത്തു. (എ.ഡി. 1746) കരുവാറ്റ് പഞ്ചായത്ത് പ്രദേശത്ത് താവളം അടിച്ചാണ് മാര്‍ത്താണ്ടവര്‍മയും രാമയ്യനും ചെമ്പകശ്ശേരി രാജ്യത്തിനെതിരെ പട നയിച്ചതത്രേ.

സ്ഥലനമോല്‍പത്തി

ഖാണ്ഡവദാഹ സമയത്തുണ്ടായ തീ ഈ പ്രദേശത്ത് വന്നാണത്രേ. അണഞ്ഞത് അതുകൊണ്ടാണ് ഈ പ്രദേശത്തിന് കരുവറ്റ എന്നും പിന്നീട് കരുവാറ്റ എന്ന പേരും ലഭിച്ചതെന്നാണ് ഐതീഹ്യം. കരിനിലങ്ങളുള്ള പ്രദേശമുള്ളതുകൊണ്ടാണ് ് കരുവാറ്റ എന്ന പേര് ലഭിച്ചതെന്ന് മറ്റൊരു പ്രബലമായ അഭിപ്രായവുമുണ്ട്.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

വേട്ടാക്കോട് ശിവരാമപണിക്കര്‍, കെ.എന്‍. ദത്ത് എന്നിവരാണ് (താമ്രപത്രം ലഭിച്ചവര്‍) പ്രധാന സ്വാതന്ത്ര്യ സമര സേനാനികള്‍.

സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍

ആലപ്പുഴ ജില്ലയിലെ ആദ്യത്തെ റ്റി.ബി. സെന്‍റര്‍ 1957 ല്‍ കരുവാറ്റയില്‍ സ്ഥാപിച്ചു. 40 വര്‍ഷങ്ങംമുമ്പ് പാലക്കുന്നേല്‍ നാരായണന്‍റെ നേതൃത്വത്തില്‍ ഒരു കഥകളി കളരി സംഘം ഇവിടെ രൂപീകരിച്ചിട്ടുണ്ടായിരുന്നു.

വാണിജ്യ- ഗതാഗത പ്രാധാന്യം

ആദ്യകാലങ്ങളില്‍ യാത്രക്കും ചരക്കുഗതാഗതത്തിനും കമ്പനി വള്ളങ്ങളായിരുന്നു ഈ പഞ്ചായത്തില്‍ക്കൂടിയാണ് ദേശീയ പാത (എന്‍.എച്ച്. 47) കടന്നുപോകുന്നുത്.

പഞ്ചായത്ത് രൂപീകരണം / ആദ്യകാല ഭരണസമിതികള്‍

1952 ലാണ് ഈ പഞ്ചായത്ത് രൂപീകൃതമായത്. ആദ്യത്തെ തെരഞ്ഞെടുക്കപ്പെട്ട പ്രസിഡന്‍റാണ് ചെങ്ങാരപ്പള്ളി ദാമോദരന്‍ പോറ്റി .

ചെറുതന

ചെറുതന

ആലപ്പുഴ ജില്ലയില്‍കാര്‍ത്തികപ്പള്ളി താലൂക്ക് പരിധിയില്‍ ഹരിപ്പാട് ബ്ളോക്ക്പഞ്ചായത്തിലാണ് ചെറുതന ഗ്രാമപഞ്ചായത്ത് സ്ഥിതി ചെയ്യുന്നത്. ഹരിപ്പാട്ട് നിന്നും ഏകദേശം 4 കി.മീ വടക്ക് മാറി സ്ഥിതി ചെയ്യുന്ന ചെറുതന ഗ്രാമം കാര്‍ഷിക വൃത്തിക്ക് മുന്‍തൂക്കമുള്ള പ്രദേശമാണ്. ആലപ്പുഴ ജില്ലയില്‍ കാര്‍ത്തികപ്പള്ളി താലൂക്കിന്റെ വടക്കേയറ്റത്തും അപ്പര്‍ കുട്ടനാടിന്റെ വടക്കേയറ്റത്തുമായി  കിടക്കുന്ന 14.25   ച.കി.മീ  വിസ്തീര്‍ണ്ണമുള്ള ഒരു അവികസിത പഞ്ചായത്താണ് ചെറുതന. തെക്കേ അറ്റമായ ആലിയ ചുവടു മുതല്‍ വടക്കേ അറ്റമായ ചെറുത്തുരുത്ത് വരെ ഏകദേശം 6 കി.മീറ്ററും പടിഞ്ഞാറ് അച്ചന്‍ കോവില്‍  ആറ് മുതല്‍ കിഴക്ക് പുത്തന്‍ തുരുത്ത് വരെ ഏകദേശം 5 കി.മീറ്ററും ആറുകളും  തോടുകളും കൊണ്ട് വിഭജിച്ച് കിടക്കുന്ന തീരസമതലങ്ങളാണ് പഞ്ചായത്ത്. ഇരുപതാം നൂറ്റാണ്ടിന്റെ ആദ്യകാലഘട്ടം വരെ മൂന്നില്‍ രണ്ട് ഭാഗം കൃഷിഭൂമിയും  ബാക്കി കരയുമായ ഒരു ഭൂപ്രദേശമായിരുന്നു ചെറുതന. പമ്പാനദിയും അച്ചന്‍ കോവില്‍  ആറിന്റെ കൈവഴിയും  മറ്റ് ഒട്ടേറെ ഉപ പുഴകളും ഈ പ്രദേശത്ത് കൂടി പടിഞ്ഞാറോട്ട് ഒഴുകുന്നത് കൊണ്ട് ഭൂമി വളരെ ഫലഭൂയിഷ്ഠമായിരുന്നു.  നെല്‍ കൃഷിയില്‍ ഏക്കറിന് 150 പറ വരെ ഉല്‍പ്പാദനം ലഭിച്ചിരുന്നു എന്ന് അനുഭവസ്ഥര്‍ പറയുന്നു. ഇരുപ്പൂ കൃഷി സംവിധാനമാണ് നിലനിന്നിരുന്നത്. വെള്ളപ്പൊക്ക കാലയളവില്‍  പ്രധാനമായും വെള്ളത്തെ അതിജീവിക്കുന്ന കുളപ്പാലയാണ് കൃഷി ചെയ്തിരുന്നത്. ചെറുതനഗ്രാമ പഞ്ചായത്തിന്റെ  സാംസ്കാരിക ചരിത്രത്തില്‍ പായിപ്പാട്ട് ജലോത്സവം മുഖ്യ പങ്ക്  വഹിക്കുന്നു. ദേശീയ ഐക്യം നിലനിര്‍ത്തുന്ന ഈ ജലമേള ഹരിപ്പാട്ട് ശ്രീസുബ്രഹ്മണ്യസ്വാമി ക്ഷേത്രത്തിലെ പ്രതിഷ്ഠാസ്മാരകമാണ്. ചെറുതന ഗ്രാമപഞ്ചായത്തിനെ സംബന്ധിച്ചിടത്തോളം ഇവിടെ ടൂറിസം പദ്ധതികള്‍ ഏറ്റവും കൂടുതല്‍ വികസിപ്പിച്ചെടുക്കാവുന്നതാണ്. കുട്ടനാട്, അപ്പര്‍കുട്ടനാട് മേഖലകളില്‍  നൂറ് മുതല്‍ 110 വരെ ആളുകള്‍ കയറുന്ന മത്സര ചുണ്ടന്‍വള്ളങ്ങള്‍ ഇവിടുത്തെ പ്രത്യേകതയാണ്. മറ്റേതൊരു  പഞ്ചായത്തിനെക്കാളും കൂടുതല്‍ ജനശ്രദ്ധ ആകര്‍ഷിക്കുന്നതും  ഏറ്റവും കൂടുതല്‍ ചുണ്ടന്‍ വള്ളങ്ങള്‍ ഉള്ളതുമായ ഒരു പഞ്ചായത്താണ് ചെറുതന ഗ്രാമപഞ്ചായത്ത്.

ചരിത്രം

കായംകുളം രാജാവിന്‍റെ കീഴിലായിരുന്നു ചെറുതനഗ്രാമം.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

195462ല്‍ നടന്ന ഗോവാ വിമോചനസമരത്തില്‍ ചെറുതനയില്‍ നിന്നും വെളിയം നാരായണപിള്ള കമ്യൂണിസ്റ്റ് പാര്‍ട്ടി പ്രതിനിധിയായി പങ്കെടുത്തു.

സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍

ചെറുതന പ്രദേശത്ത് ആദ്യത്തെ വെര്‍ണാക്കുലര്‍ സ്കൂള്‍ ആയാപറമ്പ് ചേറുകുളത്ത് എന്ന സ്ഥലത്ത് ആരംഭിച്ചു.

പഞ്ചായത്ത് രൂപീകരണം / ആദ്യകാല ഭരണസമിതികള്‍

ആഗസ്റ്റ് 28 ന് ആദ്യത്തെ പഞ്ചായത്ത് സമിതി രൂപം കൊണ്ടു. ആദ്യ പ്രസിഡന്‍റായി ഡി നാരായണന്‍ നമ്പൂതിരിയെ തെരഞ്ഞെടുത്തു.

വീയപുരം

പഞ്ചായത്തുകളുടെ വെബ്‌സൈറ്റില്‍ നിന്നുള്ളവ

വീയപുരം

കേരളത്തില്‍ മദ്ധ്യതിരുവിതാംകൂറിന്റെ ഭാഗമായ കാര്‍ത്തികപ്പള്ളി താലൂക്കിന്റെ വടക്കു കിഴക്കു അരികു ചേര്‍ന്ന  ഒരു ഗ്രാമീണ കാര്‍ഷിക പ്രദേശമാണ് വീയപുരം പഞ്ചായത്ത്.ചരിത്രാതീത കാലത്ത് ഈ പ്രദേശം നിബിഡവനഭൂമിയായിരുന്നു എന്നാണ് പഴമ. ഒരു പകുതി ഓണാട്ടുകരയും മറുപകുതി മേലേ കുട്ടനാടും ഉള്‍പ്പെടുന്ന ഇവിടെ പഞ്ചായത്തും വില്ലേജും പേരിലും വിസ്തൃതിയിലും ഒന്നുതന്നെ. താലൂക്ക് ആസ്ഥാനമായ ഹരിപ്പാട് നിന്ന് എന്‍ എച്ച് 47, എം. സി റോഡുകളുടെ തിരുവല്ലയിലേക്കുള്ള ലിങ്ക് റോഡ് എന്നിവ  ഈ ഗ്രാമത്തില്‍ കൂടി കടന്നു പോകുന്നു. പഞ്ചായത്തിന്റെ തെക്ക് അരികു ചേര്‍ന്ന് നെല്‍വയലുകളുടെ നടുവിലൂടെ അച്ചന്‍കോവിലാറൊഴുകുന്നു. മറുകര പള്ളിപ്പാട് പഞ്ചായത്ത് ആണ്. പഞ്ചായത്തിന്റെ പടിഞ്ഞാറ് ചെറുതന പഞ്ചായത്തും അതിര്‍ത്തി പങ്കു വക്കുന്നു. ഈ രണ്ടു പഞ്ചായത്തുകളും കാര്‍ത്തികപ്പള്ളി താലൂക്കില്‍ തന്നെ സ്ഥിതി ചെയ്യുന്നു. വടക്ക് കുട്ടനാട് താലൂക്കിലെ എടത്വാ പഞ്ചായത്ത് സ്ഥിതി ചെയ്യുന്നു. പമ്പയുടെയും അച്ചന്‍കോവിലിന്റെയും ഇരുകരകളിലായി കിടക്കുന്ന ഒരു പ്രദേശമാണ് വീയപുരം പഞ്ചായത്ത്. എല്ലാ കരകളിലൂടെയും ഈ ആറുകളുടെ ഒരു കൈവഴിയെങ്കിലും ഒഴുകുന്നു. കരഭൂമിയേക്കാളേറെ വയലേലകള്‍ ഉള്ള ഈ പഞ്ചായത്ത് കേരളത്തിന്റെ നെല്ലറയായ കുട്ടനാടിന്റെ ഒരു ഭാഗം കൂടിയാകുന്നു. നദികളും, പാടശേഖരങ്ങളും, പരുത്തിക്കാടുകളുമുള്ള വീയപുരവും സമീപപ്രദേശങ്ങളും ശുദ്ധജല മത്സ്യങ്ങളുടെ ഒരു പ്രധാന ആവാസ പ്രജനന കേന്ദ്രമായാണ് ശാസ്ത്രജ്ഞന്‍മാരുടെ ഇടയില്‍ അറിയപ്പെടുന്നത്.

ചരിത്രം

പണ്ടിവിടെ വനമായിരുന്നുവെന്നും അവിടേക്ക് കടല്‍ കയറിയെന്നും, പിന്നീട് കടല്‍ പിന്‍വാങ്ങിയാണിവിടം രൂപംകൊണ്ടതെന്നും പറയപ്പെടുന്നു. എ.ഡി. 984ല്‍ കാര്‍ത്തികപ്പള്ളി ഓടനാട് രാജാവ് ഈ പ്രദേശം പിടച്ചടക്കി, അ.ഉ. 1744ല്‍ മാര്‍ത്താണ്ഡവര്‍മ ഈ പ്രദേശത്തെ തിരുവിതാംകൂറിനോട് ചേര്‍ത്തു.

സ്ഥലനമോല്‍പത്തി

മഹാഭാരത കഥയിലെ ബകാസുരന്‍റെ ആസ്ഥാനമായിരുന്ന ബകപുരമാണ് വീയപുരമായതെന്ന് ഐതിഹ്യമുണ്ട്.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

പട്ടം താണുപചല്പ, സി. കേശവന്‍, ടി.എം. വര്‍ഗീസ്, ആനിമസ്ക്രീന്‍, ഈ. ജോണ്‍ ഫിലിപ്പിപ്പോസ്, പാണ്ഡവത്തു ശങ്കരപ്പിള്ള തുടങ്ങിയവര്‍ സ്വാതന്ത്ര്യസമരവുമായി ബന്ധപ്പെട്ടു പ്രവര്‍ത്തിച്ചിരുന്നതാണ്.

സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍

95 വര്‍ഷം പഴക്കമുള്ള കാരിച്ചാല്‍ വാഴത്താറ്റ് പ്രൈമറി സ്കൂള്‍ സെന്‍റ് ജോര്‍ജ് ഓര്‍ത്തഡോക്സ് സഭയുടെ വകയാണ്.

വാണിജ്യ- ഗതാഗത പ്രാധാന്യം

താലൂക്ക് ആസ്ഥാനമായ ഹരിപ്പടു് നിന്ന് ച.ഒ. 47, എം. സി. റോഡുകളുടെ തിരുവല്ലയിലേക്കുള്ള ലിങ്ക് റോഡ് ഈ ഗ്രാമത്തില്‍ക്കൂടി കടന്നു പോകുന്നു.

ദേവികുളങ്ങര

ദേവികുളങ്ങര പഞ്ചായത്ത്‌ വെബ്സൈറ്റ് വിവരങ്ങള്‍


ആലപ്പുഴ ജില്ലയിലെ കാര്‍ത്തികപ്പള്ളി താലൂക്കില്‍ മുതുകുളം ബ്ലോക്ക് പരിധിയില്‍ വരുന്ന ഒരു ഗ്രാമപഞ്ചായത്താണ് ദേവികുളങ്ങര ഗ്രാമപഞ്ചായത്ത്. 7.07 ച.കി. മീ. വിസ്തീര്‍ണ്ണമുള്ള പഞ്ചായത്തിന്റെ അതിരുകള്‍ കിഴക്ക് - കായംകുളം മുന്‍സിപ്പാലിറ്റി, തെക്ക് - ക്ളാപ്പന, ഓച്ചിറ, ആലപ്പാട്, പടിഞ്ഞാറ് - കണ്ടല്ലൂര്‍ ആലപ്പുഴ, വടക്ക് -  കായംകുളം കായല്‍ എന്നിവയാണ്. “ദേവികുളങ്ങര” പേരുകൊണ്ടു അനുഗ്രഹീതമായ ഗ്രാമം പ്രകൃതിസമ്പത്തുകൊണ്ടും മുന്നിലായിരുന്നു. ആലപ്പുഴ ജില്ലയുടെ തെക്കേ അറ്റത്ത് ദക്ഷിണ കാശി എന്നറിയപ്പെടുന്ന ഓച്ചിറ ക്ഷേത്രത്തിനു  പടിഞ്ഞാറു മാറി ഏകദേശം 1187 ഹെക്ടര്‍ സ്ഥലത്തു മാത്രം ഒതുങ്ങിക്കിടക്കുന്ന ഈ കൊച്ചു ഗ്രാമം കായലിനോടു ചേര്‍ന്നു കിടക്കുന്ന ഒരു തീരസമതല പ്രദേശമാണ്. പഴയ തിരുവിതാംകൂര്‍ രാജ്യത്ത്  ഉള്‍പ്പെട്ടിരുന്ന പഞ്ചായത്ത് പ്രദേശം മുമ്പ്  കൊല്ലം ജില്ലയില്‍ കരുനാഗപ്പള്ളി താലൂക്കിലായിരുന്നു. 1957-ല്‍ ആലപ്പുഴ ജില്ല രൂപീകരിച്ചപ്പോള്‍  ഈ പ്രദേശം  ആലപ്പുഴ ജില്ലയുടെ ഭാഗമായി.  അവസാനത്തെ തിരുവിതാംകൂര്‍ രാജാവായ ശ്രീചിത്തിരതിരുനാള്‍ ബാലരാമവര്‍മ്മയുടെ ഭരണകാലത്താണ് ഇന്നത്തെ ഗ്രാമപഞ്ചായത്തിന്റെ ആദ്യ രൂപമായ  വില്ലേജ് യൂണിയന്‍  രൂപീകരിക്കപ്പെട്ടത്. വില്ലേജ് യൂണിയന്റെ ആദ്യത്തെ പേര് ഗോവിന്ദമുട്ടം വില്ലേജ് യൂണിയന്‍ എന്നായിരുന്നു. 1950-ല്‍  തിരുവിതാംകൂര്‍  കൊച്ചി വില്ലേജ് പഞ്ചായത്ത് ആക്ട് പാസ്സാക്കുകയും 1953-ല്‍ ആദ്യത്തെ തെരഞ്ഞെടുപ്പ് നടക്കുകയും ചെയ്തു. നാടാലയില്‍ നാരായണന്‍ വൈദ്യനായിരുന്നു പ്രസിഡന്റ്. 1960-ല്‍ കേരളത്തിലെ പഞ്ചായത്തുകളുടെ ഭരണത്തിന് ഒരു ഏകീകൃത നിയമുണ്ടാവുകയും അതിന്റെ അടിസ്ഥാനത്തില്‍ ഇന്നത്തെ അതിര്‍ത്തികളോടു കൂടിയ ദേവികുളങ്ങര പഞ്ചായത്ത്  1961-ല്‍ നിലവില്‍ വരികയും  ചെയ്തു.
 ചരിത്രം

പഴയ തിരുവിതാംകൂര്‍ രാജ്യത്തിന്‍റെ ഭാഗമായിരുന്നു. ശ്രീചിത്തിരതിരുനാള്‍ ബാലരാമവര്‍മയുടെ ഭരണകാലത്താണ് ഇന്നത്തെ ഗ്രാമപ്പഞ്ചായത്ത് രൂപീകരിക്കപ്പെട്ടത്.
സ്ഥലനമോല്‍പത്തി
ബുദ്ധമത വിശ്വാസികളുടെ വിഹാരങ്ങളെ പള്ളി എന്ന് വിളിച്ചിരുന്നു. ഈ പ്രദേശത്തിന്‍റെ ചില ഭാഗങ്ങള്‍ ബുദ്ധമതവിശ്വാസികളുണ്ടായിരുന്നതിന്‍റെ തെളിവുകള്‍ ലഭിച്ചിട്ടുണ്ട്. ബുദ്ധമതക്കാരുടെ വിഹാരങ്ങളുമായി ബന്ധപ്പെട്ടാണ് പുതുപ്പള്ളി എന്ന പേര് ലഭിച്ചതെന്നും പറയപ്പെടുന്നു.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

മഹാത്മാഗാന്ധിയുടെ ആഹ്വാനം ചെവിക്കൊണ്ട് കോടതി ബഹിഷ്കരിച്ച് കോണ്‍ഗ്രസ് പ്രവര്‍ത്തകനായ ജി. രാമന്‍ മേനോന്‍ ആയിരുന്നു ഈ പ്രദേശത്തെ ആദ്യ സ്വാതന്ത്ര്യ സമര സേനാനി. 1922 ല്‍ വേനാട്ടു പുരയിടത്തില്‍ ചേര്‍ന്ന യോഗം കോണ്‍ഗ്രസ്സ് പ്രദേശിക കമ്മിറ്റിക്കു രൂപം നല്‍കി. 1114 ലെ നിയമലംഘന പ്രക്ഷോഭത്തില്‍ 500 ഓളം പേര്‍ രണ്ടരവര്‍ഷം ജയിലില്‍ കിടന്നു. അതില്‍ ഈ പ്രദേശത്തെ അനവധി പേര്‍ ഉണ്ടായിരുന്നു.

പഞ്ചായത്ത് രൂപീകരണം / ആദ്യകാല ഭരണസമിതികള്‍

ശ്രീചിത്തിരതിരുനാള്‍ ബാലരാമവര്‍മയുടെ കാലത്ത് നിവേദനം സമര്‍പ്പിച്ചതിന്‍റെ ഫലമായി ഈ വില്ലേജ് ഗോവിന്ദമുട്ടം വില്ലേജ് യൂണിയന്‍ ആക്കപ്പെട്ടു. 1945ല്‍ നടന്ന തെരഞ്ഞെടുപ്പില്‍ വി.എന്‍. ശങ്കര്‍ പ്രസിഡന്‍റായി. അഞ്ചുരൂപാ കരംതീരുവയുള്ളവര്‍ക്ക് മാത്രമായിരുന്ന വോട്ടവകാശം. 1950 ലെ തിരുവിതാംകൂര്‍ കൊച്ചി വില്ലേജ് ആക്ട് അനുസരിച്ച് 1953 ല്‍ ഈ പഞ്ചായത്ത് രൂപീകരിച്ചു.

മാവേലിക്കര

മാവേലിക്കര മുനിസിപ്പാലിറ്റി വെബ്സൈറ്റ് വിവരങ്ങള്‍

ചരിത്രം

മദ്ധ്യതിരുവിതാംകൂറിന്‍റെ ഭാഗത്തായി അച്ചന്‍കോവിലാറിന്‍റെ കരയില്‍ സ്ഥിതി ചെയ്യുന്ന ഒരു പുരാതന പട്ടണമാണ് മാവേലിക്കര. മാവേലിക്കരയുടെ ചരിത്രം പഴയ ഓടനാടുമായി ബദ്ധപ്പെട്ടു കിടക്കുന്നു. കടപ്ര മുതല്‍ കന്നേറ്റി വരെ വ്യാപിച്ചു കിടന്ന ഓടനാടിന്‍റെ ആദ്യ തലസ്ഥാനം മറ്റം ആയിരുന്നു. മാര്‍ത്താണ്ഡവര്‍മ്മയുടെ ദളവയും സര്‍വ്വ സൈന്യാധിപനുമായി രാമയ്യനെ നിയമിതനാക്കുകയും രാമയ്യന്‍ മാവേലിക്കരയില്‍ താമസമാക്കുകയും ചെയ്തു. അരൂര്‍ വരെയുള്ള പ്രദേശങ്ങള്‍ രാമയ്യന്‍ വേണാടിനോട് ലയിപ്പിച്ചു. മാര്‍ത്താണ്ഡവര്‍മ്മയുടെ ഭരണമാണിവിടെ നടന്നിരുന്നത്. ഹൈദരാലിയും ടിപ്പുവും കേരളത്തില്‍ നടത്തിയ ആക്രമണങ്ങള്‍ കോലത്ത് രാജകുടുംബങ്ങളെ തെക്കന്‍ കേരളത്തിലേക്ക് വരുവാന്‍ നിര്‍ബന്ധിക്കുകയും അങ്ങനെ മാവേലിക്കരയിലെത്തി മാവേലിക്കര രാജകുടുംബം എന്ന പേരില്‍ അറിയപ്പെടുകയും ചെയ്തു. മാവേലിക്കര ബുദ്ധമത കേന്ദ്രമായിരുന്നുവെന്ന് ചരിത്രകാരന്മാര്‍ രേഖപ്പെടുത്തിയിരുന്നു.
സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍ശ്രീ. കണ്ടിയൂര്‍ ശ്രീനിവാസന്‍ പിള്ള, എം.വി. രാജശേഖരന്‍ നായര്‍ തുടങ്ങിയവര്‍ ഖാദി പ്രവര്‍ത്തന കേന്ദ്രവുമായി ബന്ധപ്പെട്ട് പ്രവര്‍ത്തിച്ചിരുന്നു. വൈക്കം സത്യാഗ്രഹത്തിനും ഉപ്പു സത്യാഗ്രഹത്തിന് എം. ജി. വേലായുധന്‍ പിള്ള, ശങ്കരപിള്ള, മാധവന്‍ പിള്ള തുടങ്ങി നിരവധി പേര്‍ പങ്കെടുത്തു.
വാണിജ്യ- ഗതാഗത പ്രാധാന്യംരാജഭരണകാലത്ത് ജലഗതാഗതമാണ് ഏറെയും ആശ്രയിച്ചിരുന്നത്. അച്ചന്‍ കോവിലാറ്റില്‍ നിന്നും കോട്ടതോട് വഴി യാത്രാ വഞ്ചികളും കെട്ട് വള്ളങ്ങളും നഗര ഹൃദയത്തില്‍ വരെ എത്തിച്ചേര്‍ന്നു. 1956ഓടു കൂടി റെയില്‍ ഗതാഗതം ആരംഭിച്ചു. സ്റ്റേറ്റ് ഹൈവേ ഈ പട്ടണം വഴി കടന്നു പോകുന്നു.
പഞ്ചായത്ത് രൂപീകരണം / ആദ്യകാല ഭരണസമിതികള്‍1913ല്‍ മാവേലിക്കര ഠൗണ്‍ ഇംപ്രൂവ്മെന്‍റ് കമ്മിറ്റി നിലവില്‍ വന്നു. 1919ല്‍ റെഗുലേഷന്‍ 5 അനുസരിച്ച് നഗരസഭയായി ഉയര്‍ത്തി. നികുതി ദായകര്‍ക്കുമാത്രം വോട്ടവകാശം നല്കി. ആര്‍ട്ടിസ്റ്റ് രാജരവിവര്‍മ്മയുടെ മകന്‍ രാമവര്‍മ്മരാജ പ്രസിഡന്‍റായി അധികാരമേറ്റു.

മുതുകുളം

 മുതുകുളം പഞ്ചായത്ത് വെബ്സൈറ്റ് വിവരങ്ങള്‍

പ്രാക് ചരിത്രംപാണ്ഡവര്‍ അജ്ഞാതവാസകാലത്ത് ഇവിടെയും താമസിച്ചിരുന്നതായി പഴങ്കഥയുണ്ട്. അന്ന് ഗ്രാമീണരുടെ ആതിഥ്യ മര്യാദയില്‍ സംപ്രീതയായ കുന്തി താന്‍ പൂജിച്ചു വന്നിരുന്ന ദേവതയെ ഗ്രാമീണരുടെ ഐശ്വരത്തിനായി ഇവിടെ തന്നെ പ്രതിഷ്ഠിച്ചു നല്‍കി എന്നാണു വിശ്വാസം.
സ്ഥലനമോല്‍പത്തിമുത്തുകള്‍ പോലെ മൂല്യവത്തായ ധാന്യകലവറ ആയിരുന്നതിനാലാണ് ഈ പ്രദേശത്തിന് നൂറ്റാണ്ടുകള്‍ക്ക് മുമ്പ് മുത്തുക്കുളം എന്ന പേര് ലഭിച്ചതെന്നും പിന്നീട് മുതുകുളം ആയിമാറിയെന്നും പറയപ്പെടുന്നു.
സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍മന്നത്തു പത്മനാഭന്‍റെ മുതുകുളം പ്രഖ്യാപനം താലൂക്ക് കോണ്‍ഗ്രസ്സിന്‍റെ സമ്മേളനം മുതുകുളത്ത് വച്ചു നടന്നപ്പോഴാണ് ഉണ്ടായത്. ഇത് മൂന്നു ദിവസം നീണ്ടുനിന്നു. സി.പി.യുടെ കിരാത ഭരണക്കാലത്ത് കോണ്‍ഗ്രസ്സിന്‍റെ യോഗങ്ങള്‍ നിരോധിച്ചു. നിരോധനം ലംഘിച്ചു യോഗം ചേരാന്‍ ഇ.കെ. മാധവന്‍ പിള്ളയുടെ നേതൃത്വത്തില്‍ പ്രാദേശിക കോണ്‍ഗ്രസ്സ് കമ്മിറ്റി തീരുമാനിച്ചു. യോഗം അലങ്കോലപ്പെടുത്താന്‍ ഗുണ്ടകളായ അരപ്പോലീസ് വന്നെങ്കിലും ജനങ്ങളുടെ സംഘടിത ചെറുത്തു നില്‍പ്പിനെതിരെ അവര്‍ക്ക് ഒന്നും ചെയ്യാനായില്ല.
സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍1916ല്‍ ചിത്തിര തിരുനാള്‍ മഹാരാജാവിന്‍റെ ഭരണകാലത്ത് ആരംഭിച്ച കൊട്ടാരംവക സ്കൂളാണ് ആദ്യ സ്കൂള്‍.
പഞ്ചായത്ത് രൂപീകരണം / ആദ്യകാല ഭരണസമിതികള്‍1953ല്‍ ശ്രീകരിയാഞ്ചയില്‍ ഇ. കെ. മാധവന്‍ പിള്ള പ്രസിഡന്‍റായി ആദ്യത്തെ ജനകീയ പഞ്ചായത്ത് രൂപീകരിച്ചു.

ഭരണിക്കാവ്

ഭരണിക്കാവ് പഞ്ചായത്ത്‌ വെബ്സൈറ്റ് വിവരങ്ങള്‍

പ്രാക് ചരിത്രംദേവീക്ഷേത്രത്തിന് തൊട്ടടുത്തായി സ്ഥാപിച്ചിരുന്നതും ഇപ്പോള്‍ പ്രത്യേകമായ സംരക്ഷിച്ചുവരുന്നതുമായ ഒരു ബുദ്ധ പ്രതിമ ഈ സ്ഥലത്തിന്‍റെ പ്രാചീനത വിളിച്ചു.
സ്ഥലനമോല്‍പത്തിഭരണിക്കാവില്‍ ഒരു ദേവീക്ഷേത്രമുണ്ടെന്നും ക്ഷേത്രം നില്‍ക്കുന്ന പ്രദേശം വര്‍ഷങ്ങള്‍ക്കു മുന്‍പ് നിബിഡമായ ഒരു കാവായിരുന്നുവെന്നും ഈ ക്ഷേത്രവും അവിടുത്തെ ദേവിയും ദേവിയുടെ തിരുനാമമങ്ങളുമൊക്കെയായി ഈ പ്രദേശത്തിന് ഈ പേര് വന്നത് എന്ന് വിശ്വസിക്കുന്നു.
സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍തിരുവിതാംകൂറിലെ സ്വാതന്ത്ര്യസമരത്തിന്‍റെ നെടുംതൂണുകളായിരുന്ന ത്രിമൂര്‍ത്തികളെന്ന് അറിയപ്പെട്ടിരുന്ന പട്ടം താണുപിള്ള റ്റിം.എം. വര്‍ഗീസ് സി. കേശവന്‍ എന്നിവരില്‍ റ്റി.എം. വര്‍ഗീസ് നമ്മുടെ പഞ്ചായത്തില്‍ മഞ്ഞാടിത്തറ തണ്ടാനേത്ത് കുടുംബാംഗമായിരുന്നു. കെ. ഗോപാലപിള്ളയായിരുന്നു ദിവാന്‍ ഭരണത്തിന് എതിരായ പ്രക്ഷോഭത്തില്‍ വള്ളിക്കുന്നില്‍ വച്ച് അറസ്റ്റു വരിച്ചവരില്‍ ഒരാള്‍.
സാമൂഹ്യ രാഷ്ട്രീയ സാംസ്കാരിക പ്രസ്ഥാനങ്ങള്‍സാംസ്കാരിക രാഷ്ട്രീയ ഭരണ രംഗത്ത് വ്യക്തിമുദ്ര പതിപ്പിച്ച മഹത് വ്യക്തികള്‍, സമത്വത്തിന്‍റെയും സഹോദര്യത്തിന്‍റെയും മൂര്‍ത്തിമദ്ഭാവങ്ങളായ ക്ഷേത്രങ്ങള്‍, പള്ളികള്‍, മറ്റ് ആരാധനാലയങ്ങള്‍ കാര്‍ട്ടൂണിസ്റ്റ് യേശുദാസന്‍, ഗുസ്തി മത്സരരംഗത്തെ മുടിചൂടാമന്നനായ കേരള ഗാമ തുരുത്തുവിള പപ്പുദാസ് തുടങ്ങിയവര്‍ ഈ നാടിന്‍റെ സന്താനങ്ങളാണ്.
വാണിജ്യ- ഗതാഗത പ്രാധാന്യംകായംകുളംപുനലൂര്‍ റോഡ് ഈ പഞ്ചായത്തിലൂടെ കടന്നുപോകുന്ന ഏറ്റവു പഴയ റോഡാണ്.
പഞ്ചായത്ത് രൂപീകരണം / ആദ്യകാല ഭരണസമിതികള്‍1953 ല്‍ ആണ് പഞ്ചായത്ത് ഭരണസമിതികള്‍ നിലവില്‍ വന്നത്. അന്നുവരെ വില്ലേജ് യൂണിയന്‍ എന്ന പേരില്‍ പരിമിതമായ അധികാരങ്ങളോടു കൂടിയ ഒരു സമിതിയാണ് ഭരണം നടത്തിയത്. അതിന്‍റെ പ്രസിഡന്‍റ് നല്ലമുട്ടത്തു രാമകൃഷ്ണപിള്ള ആയിരുന്നു. 1953 ലെ തിരഞ്ഞെടുപ്പില്‍ അരിപ്പുറത്ത് കെ.എന്‍. കൃഷ്ണപിള്ള ആദ്യത്തെ പഞ്ചായത്ത് പ്രസിഡന്‍റായി തിരഞ്ഞെടുക്കപ്പെട്ടു .

കായംകുളം ചരിത്രം

കായംകുളം മുനിസിപ്പാലിറ്റി വെബ്സൈറ്റ് വിവരങ്ങള്‍

പ്രാക് ചരിത്രം

16ാം നൂറ്റാണ്ടിനു മുമ്പ് പാണ്ടിക്കാരുടെ വാണിജ്യകേന്ദ്രമായിരുന്ന ഓടനാട് 16ാം നൂറ്റാണ്ടില്‍ പറങ്കികള്‍ പണ്ടകശാല സ്ഥാപിച്ചതോടുകൂടി പാണ്ടിക്കാരുടെ വ്യാപാരബന്ധം അവസാനിക്കുന്നു. 1731 കൊല്ലം രാജാവ് കായംകുളത്തു നിന്ന് രാജകുമാരനെയും കുമാരിയേയും ദത്തെടുത്തു ഇതിനെത്തുടര്‍ന്ന് മാര്‍ത്താണ്ഡവര്‍മ്മയും ദേശിങ്ങനാട്ടുരാജാവും യുദ്ധം ചെയ്തു. തടവിലായ ദേശിങ്ങനാട്ട് രാജാവിനെ കായംകുളം രാജാവ് മോചിപ്പിക്കുന്ന തുടര്‍ന്ന് പലയുദ്ധങ്ങളു നടന്നു. 1741 ലെ കുളച്ചല്‍ യുദ്ധത്തിനുശേഷം മാര്‍ത്താണ്ഡവര്‍മ്മ വീണ്ടും കായംകുളം ആക്രമിച്ചെങ്കിലും പരാജയപ്പെട്ടു. തുടര്‍ന്ന് ഇരുവരും സന്ധിയില്‍ ഏര്‍പ്പെട്ട ഇതിനെ 1742 ലെ മന്നാത്തുടമ്പടി എന്നറിയപ്പെടുന്ന ഈ ഉടമ്പടി ലംഘിച്ച കായംകുളം രാജാവിനെ വേണാട് സൈന്യം പരാജയപ്പെടുത്തി. 1746 ല്‍ കായംകുളം തിരുവിതാംകൂറിനോട് ചേര്‍ത്തു കൃഷ്ണപുരം കൊട്ടാരം കായംകുളത്തിന്‍റെ നാഴികകല്ലാണ് ഇത് കായംകുളം രാജാവ് പണികഴിച്ചതാണെന്നും മാര്‍ത്താണ്ഡവര്‍മ്മ മഹാരാജാവ് പണികഴിപ്പിച്ചതാണെന്നും രണ്ടഭിപ്രായമുണ്ട്.

സ്വാതന്ത്രസമര ദേശീയപ്രസ്ഥാനത്തിലെ സ്ഥാനം, പ്രധാന വ്യക്തികള്‍, സംഭവങ്ങള്‍

സ്വാതന്ത്ര്യസമരത്തിന്‍റെ ഭാഗമായി അയിത്തത്തിനെതിരെ നടന്ന വൈക്കം സത്യാഗ്രഹത്തില്‍ പങ്കെടുക്കുന്നതിനായി ഗാന്ധിജി എത്തിയപ്പോള്‍ അദ്ദേഹം ഹരിപ്പാട് വന്നിരുന്നു. 1936 ല്‍ പുതിയിടത്ത് ആശ്രമപരിസരത്ത് നടന്ന സമ്മേളനത്തില്‍ നെഹ്റു കമലാനെഹ്റു ഇന്ദിരാഗാന്ധി എന്നിവര്‍ പങ്കെടുത്തു. 1931 നിവര്‍ത്തനപ്രക്ഷോപം സര്‍.സി. പി.ക്കെതിരെ നടന്ന സമരം ഇവയെല്ലാം കായംകുളത്ത് വളരെ ശക്തമായിരുന്നു. അക്കാലത്ത് നിന്നിരുന്ന ജാതീയമായ വേര്‍തിരിവിനെതിരെ ശക്തമായ സമരങ്ങള്‍ നടന്നു സ്വാതന്ത്ര്യസമരകാലത്ത് പത്രങ്ങളിലൂടെ ലേഘനങ്ങളും കവിതകളും പ്രസിദ്ധികരിച്ചു ജയില്‍ശിക്ഷ അനുഭവിച്ചവരും നിയമലംഘനം നടത്തി ജയില്‍ ശിക്ഷ അനുഭവിച്ചവരും ധാരാളമാണ്. 1947 ആഗസ്റ്റ 15 ല്‍ കായംകുളം ഗവണ്‍മെന്‍റ് സ്കൂളില്‍ സ്വാതന്ത്ര്യദിനാഘോഷം നടന്നു.

വാണിജ്യ- ഗതാഗത പ്രാധാന്യം

ആലപ്പുഴ ജില്ലയിലെ പ്രമുഖ വാണിജ്യ കേന്ദ്രമാണ് കായംകുളം പണ്ട്കാലത്ത് ഉപ്പ് വ്യവസായത്തിനു പേരു കേട്ട സ്ഥലമാണ് കായംകുളം. കായംകുളംത്തെ പ്രധാന വ്യവാസയം കശുവണ്ടി വ്യവസായമാണ് കൂടാതെ പരമ്പാരഗത വ്യവസായമായ കയര്‍ വ്യവസായം കൂടാതെ ചെറുകിട കമ്പിനികള്‍, മെഴുകുതിരി നിര്‍മ്മാണയൂണിറ്റുകള്‍ കൂടാതെ തഴപായ് നിര്‍മ്മാണം വട്ടി കുട്ട എന്നിവയുടെ നിര്‍മ്മാണം ഇവ കുടില്‍ വ്യവസായമായി നടത്തുന്നു. റോഡ് ഗതാഗതം, റെയില്‍ ഗതാഗതം എന്നിവയാണ് പ്രധാന ഗതാഗതമാര്‍ഗ്ഗമെങ്കിലും ജലഗതാഗതത്തെയും ആശ്രയിക്കേണ്ടിവരുന്നു പ്രധാന റോഡുകള്‍ എന്‍.എച്ച്. 47 കെ.പി. റോഡ്, കായംകുളം, തിരുവല്ല റോഡ് ഇവയാണ്.